Presyo sa LPG, mokunhod og P3 kada kilo apan posibleng mosaka og P10–P15

Posibleng mokunhod og labing menos P3 kada kilo ang presyo sa LPG karong semanaha tungod sa temporaryong pagsuspende sa excise tax sa LPG ug kerosene.

Apan mahimong mubo ra ang maong pagkunhod tungod kay gipaabot ang P10 hangtod P15 kada kilo nga pagsaka sa presyo sa LPG sugod Oktubre 3, depende sa presyo sa world market ug shipping premiums.

Gipaabot nga ipatuman sa Republic Gas Corp. ang P3 kada kilo nga rollback sugod Septiyembre 30, samtang ang Department of Energy maoy magpormalisa sa katapusang kantidad sa price adjustment.