Ordinaryong Wi-Fi mahimong gamiton sa pag-ila sa tawo bisan walay camera.

Nakaplagan sa mga scientists gikan sa Karlsruhe Institute of Technology sa Germany nga ang ordinaryong Wi-Fi signals mahimong maghimo og hulagway sa tawo ug makaila sa iyang identidad gamit lamang ang mga signal nga naglihok tali sa Wi-Fi devices ug router.

Sa pagtuon sa 197 ka partisipante, hapit 100 porsyento ang accuracy sa sistema sa pag-ila sa tawo, bisan lain-lain ang anggulo ug paagi sa paglakaw. Gipahimangnoan sa mga researcher nga mahimo kining magamit sa surveillance ug mahimong hulga sa pribasiya.