Giawhag ni Pope Leo XIV ang mga lider sa politika nga Kristiyano nga responsable sa pagsugod sa mga armadong panagsangka nga susihon ang mga konsensya ug moagi sa pagkumpisal.
Sa pakigpulong ni Pope Leo XIV sa panagtapok sa mga pari sa Vatican City, gihagit sa Santo Papa, ang mga lider sa pagsuta kung tinuod ba kining nagsunod sa mga pagtulon-an ni Hesukristo.
Kini nga pamahayag nunot sa padayong panawagan sa Santo Papa nga hunongon ang gubat batok sa Iran nga gipahinabo sa hiniusang airstrike sa US ug Israel sukad kaniadtong Pebrero 28.
Kahinumdoman nga si US President Donald Trump, gipadako sa Christian faith, samtang ang mga top officials nga sila Bise Presidente JD Vance ug Secretary of State Marco Rubio, puros mga Katoliko.
Sa laing bahin, ang Washington, D.C., sa sinugdan miinsister nga si Cardinal Robert McElroy miluwat nga ang pag-atake sa US ug Israel sa Iran dili lehitimo sa moral tungod wala kini makapasar sa mga sumbanan sa Simbahang Katoliko mahitungod sa gubat.