Pipila ka mga nag-unang pipelines sa Saudi Arabia, naigo sa mga projectiles

Naigo sa wala pa matino nga mga projectiles ang mga nag-unang oil pipeline system sa Saudi Arabia.

Tungod niini, natigayon ang sunog sa nagkalain-laing pump stations nga nahimutang duol sa maong pipeline.

Wala pa usab matala o mailhi kun kinsa ang nagpaluyo sa maong pag-atake. Apan, pipila ka opisyal sa US ang nag-ingon nga drone gikan sa Iraq ang nag-igo sa mga pipelines.

Sa pagkakaron wala pa usab kasiguruhan ang mga opisyal kun kanus-a mahuman ang pag-ayo sa maong mga nadaot nga pipelines.