Pilipinas subling nakasakmit og silver medal sa 2026 Asian Games

Subling nakasakmit og silver medal ang Pilipinas human nakadaog sa semifinals si Jean Claude Saclag ug nakaabot sa finals sa men’s -65 kg traditional mixed martial arts.

Napildi man si Saclag ni Otabek Rajabov sa Tajikistan sa finals, nakahatag gihapon siya og medalya para sa Pilipinas human sa 3-0 nga dula sa Nagoya City Inae Sports Center.

Sa semifinals, gilupig ni Saclag si Daisuke Murayama sa Japan pinaagi sa unanimous decision.

Samtang, nakakuha usab og bronze medal ang iyang kauban nga si Carlos Alvarez sa men’s 77 kg class.