Padayon ang hugot nga koordinasyon sa gobyerno sa Pilipinas sa Czech Republic human nadakpan ang kanhi Ako Bicol Representative nga si Elizaldy “Zaldy” Co sa Prague.
Sumala ni Presidente Ferdinand “Bongbong” Marcos Jr., naharang si Co sa utlanan sa Germany tungod sa kakuwang sa saktong mga dokumento, hinungdan nga gibalik kini sa kustodiya sa Czech authorities ug kasamtangang nagpabilin sa prisohan samtang giandam ang iyang pagpauli sa nasud.
Subay niini, gipadayag usab ni Usec. Claire Castro nga nalipay matud pa ang Presidente sa pagkadakop ni Co, dugang pa niini nga kung adunay issue sa corruption kinhanglan kining imbestigahan.
Samtang ipaspasan na sa Department of Foreign Affairs (DFA) ug Department of Justice (DOJ) ang legal nga proseso sa Europe aron masiguro nga maatubang sa kanhi kongresista ang iyang mga kaso sa korapsyon sa Pilipinas.