Ipasaka na sa Office of the Ombudsman ang mga kaso batok sa mga gitawag nga “master plunderers” nga nalambigit sa maanomalyang flood control projects sa nasud.
Sumala ni Assistant Ombudsman Atty. Mico Clavano, andam na ang tanod-bayan sa pag-atubang sa korte batok sa duha ka dagkong opisyal nga nagsilbi kaniadto isip Speaker sa House of Representatives ug Senate President.
Kahinumduman nga una nang ginganlan ni Ombudsman Jesus Crispin ‘Boying’ Remulla sila si kanhi House Speaker Martin Romualdez ug kanhi Senate President Chiz Escudero nga mag-atubang og kasong plunder tungod sa maong anomaliya.
Dugang pa nga gawas sa duha ka kanhi lider sa Kongreso, gipasidan-an usab sa Ombudsman nga lakip sa pasakaan og kaso ang pipila ka mga senador ug kongresista nga nalambigit sa korapsyon.