Nanawagan si Pangulong Ferdinand R. Marcos Jr. sa mga Pilipino nga dili kapuyon sa paghigugma, pagpili, ug pagpakigbisog alang sa Pilipinas, dungan sa pagsaulog sa adlaw sa kagawasan.
Sa iyang mensahe, gihagit sa Pangulo ang katawhan nga palawmon ang kahibalo, madapigon sa kamatuoran, ug gamiton sa saktong pamaagi ang abilidad imbes nga sa kaalautan.
Gihatagan usab niini og gibug-aton ang kamahinungdanon sa patas nga pakigbisog adlaw-adlaw nga dili mapahimuslanon sa kahago sa uban, ug ang pagpili sa kaayohan sa nasud sa dili pa ang interes sa pipila ka indibidwal.
Matud sa presidente, ang pagpabiling matinud-anon niini nga mithi maoy magsiguro nga ang mosunod nga henerasyon makapanunod og nasud nga mas lig-on, makatarunganon, ug mauswagon ubos sa usa ka tinguha alang sa usa ka “Bag-ong Pilipinas.”