Nakigpulong si Pangulo Ferdinand Marcos Jr. sa Ambassador sa France ug sa Chargé d’Affaires sa Embahada sa Czech Republic aron hisgutan ang kaso ni Zaldy Co.
Sa maong miting, gipadayag sa Pangulo ang iyang pagkadismaya nga bisan pa sa seryosong paningkamot sa Pilipinas, nagpabilin nga gawasnon si Co sa Europe.
Nangayo siya og dugang impormasyon kung unsay nahitabo ug nganong napagawas si Co gikan sa kustodiya sa mga otoridad sa Czech Republic.
Bisan pa niini, nagpabilin siyang masaligon sa lig-on nga relasyon sa Pilipinas uban sa France ug Czech Republic nga naggikan sa parehas nga mga prinsipyo, lakip ang pagrespeto sa rule of law.
Naglaum ang Pangulo nga mapalig-on pa ang kooperasyon sa pulisya, balaod, ug hudikatura aron maibalik si Co sa Pilipinas ug maatubang niya ang hustisya.
Si Co nag-atubang og mga kasong kriminal sa Pilipinas.
Niadtong miaging tuig, gitaho nga nadakpan siya sa Czech Republic apan sa ulahi gipagawas sa mga otoridad sa maong nasud.
Nakapasa na ang gobyerno sa Pilipinas og extradition request aron mapabalik siya sa nasud, apan nagpabilin nga hagit ang proseso tungod sa legal nga mga teknikalidad ug mga rekisitos sa European jurisdictions.
Ang pakigpulong sa Pangulo sa mga representante sa France ug Czech Republic kabahin sa mas lapad nga diplomatic efforts aron mapalig-on ang internasyonal nga kooperasyon batok sa mga tawo nga naglikay sa balaod.