Nanawagan si Presidente Ferdinand Marcos Jr. sa publiko, ilabi na sa mga adunay igong kapasidad sa pagpalit og dinaghan, nga likay ang pag-hoard o ang dili makiangayon nga pagpundo og krudo samtang nag-atubang ang nasud sa hagit sa suplay sa lana.
Kini nga pasidaan giluwatan sa Presidente aron maseguro nga dili madugangan ang problema sa kakulangon ug aron mahatagan og patas nga kahigayonan ang tanang sektor nga makakuha og suplay.
Sumala sa Presidente, ang mga konsumidor lamang nga adunay lehitimo ug dinalian nga panginahanglan ang gitugotan nga magpondo og gasolina o krudo.
Lakip sa gihatagan og konsiderasyon sa kagamhanan mao ang mga mangingisda nga nagsalig sa ilang mga sakayan, marine equipment operators, mga ospital nga nanginahanglan og kuryente alang sa mga pasyente, ug uban pang mga establisimento nga naggamit og generator set aron mapadayon ang ilang mahinungdanong operasyon