Malacañang gitugyan na sa NBI ang imbestigasyon sa death threat batok kang PBBM

Gitugyan na sa Malacañang ang imbestigasyon ngadto sa National Bureau of Investigation (NBI) kalabot sa giingong hulga sa kinabuhi ni Presidente Ferdinand Marcos Jr.

Sumala ni Presidential Communications Office (PCO) Undersecretary Claire Castro nga dili na bag-o ang mga hulga batok sa Pangulo, nga nagsugod pa sa mga pahayag nga nalambigit kang Vice President Sara Duterte.

Dugang pa ni Castro nga dili na kinahanglan magmando si Presidente Marcos sa NBI aron imbestigahan ang maong hulga, gumikan kabahin na kini sa trabaho ug mandato sa ahensya ang pagtagad sa ingon nga mga kaso, para man sa Pangulo o bisan sa ordinaryong lungsoranon.