Gihagit sa labor group nga Manggagawa Party-list si Presidente Ferdinand Marcos Jr. nga aksyunan ang nagpadayon nga krisis nga giatubang sa mga mamumuo ug tubagon ang dugay nang mga panawagan bahin sa suhulan, trabaho, ug pagsaka sa gasto sa panginabuhi sa umaabot nga State of the Nation Address (SONA) niini.
Pipila ka adlaw sa wala pa ang SONA, gipadayag sa kanhi Manggagawa Party-list Representative nga siRene Magtubo ang kahimtang sa mga mamumuo kinahanglan mahimong usa sa mga prayoridad sa administrasyon.
Gihulagway usab ni Magtubo ang kahimtang sa mga mamumuo sama sa kontraktuwalisasyon nga trabaho, taas nga presyo sa palaliton, kakulang sa sweldo, ug nagkalapad nga gintang tali sa minimum wage ug sa tinuod nga galastuon sa adlaw-adlaw.
Gipaabot ni Magtubo ang diyalogo sa mga trabahante uban sa Malacañang, nga matud niini wala pa mahitabo sulod sa upat ka tuig sa administrasyon ni Marcos, aron hisgutan ang kahimtang sa mga mamumuo.
Gisubli ni Magtubo ang ilang panawagan alang sa mas lig-on nga mga polisiya sa labor, lakip ang pagrepaso sa wage-fixing system ug pagpalig-on sa proteksiyon sa mga mamumuo.