Usa ka 49-anyos nga babaye nga una nang gikatahong missing ang nakaplagang patay sa Sawaga River, Barangay 9, Malaybalay City, Bukidnon, karong buntag, Setyembre 7, 2026.
Giila ang biktima nga si Mary Leother “Bebing” Mier, residente sa Purok 6, Barangay Casisang, nga gikatahong wala sukad kagabhion sa Setyembre 6.
Sumala sa pamilya, migawas kini sa ilang balay samtang nangatulog sila, ug una nang nakapahibalo nga molayat sa tulay.
Matud sa bana niini nga si Eduardo Mier, pipila na ka higayon nga nagpahibalo ang biktima nga molayat ug adunay maintenance alang sa iyang kondisyon. Matud niini, dugay na usab nga nakasinati og stress ug nervousness ang iyang asawa.
Nakumpirma sa mga anak ang pagkaila sa patay’ng lawas human kini nakit-an nga naglutaw sa Sawaga River sa usa ka lalaki nga nangisda, pasado alas-6 sa buntag.
Samtang, giklaro ni eduardo nga wala silay panag-away sa wala pa ang insidente ug maayo ang ilang relasyon isip magtiayon.
Matud ni niini, gipangita usab nila ang biktima sa mga silingan ug sa dalan padulong sa Aglayan, apan wala gihapon kini makita. Gibutyag usab nga dili na kini unang higayon nga kalit nga mobiya sa ilang balay ang iyang asawa.