Patay ang 22-anyos nga indibwal human naaksidente ang gisakyan Wing Van

Patay ang usa ka 22 anyos nga lalaki human maaksidente ang gisakyan niining Shacman Wing Van sa National Highway sa Brgy. Palacapao, Quezon, Bukidnon.

Sumala sa imbestigasyon, padulong sa Quezon ang trak gikan sa Davao City sa dihang kalit napalya ang preno samtang nanaog sa paubos nga dalan.

Sa kahadlok, misulay og lukso ang biktima apan naipit sa sakyanan samtang gisulayan sa drayber nga ipahunong kini pinaagi sa pagpadaplin.

Gidali og dala sa ospital ang biktima apan gideklarar nga dead on arrival.

Ang hinungdan sa kamatayon mao ang grabeng pagkawala sa dugo tungod sa traumatic amputation sa paa niini.

Ang drayber ug ubang sakay nakaangkon og gagmayng samad, samtang padayon ang imbestigasyon sa insidente.