Pagtaas sa pamasahe ipatuman ugmang adlawa – DOTr

Ipatuman ugmang adlawa, Setyembre 28, ang pagtaas sa pamasahe sa mga pampublikong sakyanan, sumala sa Department of Transportation (DOTr). Sa ordinaryong jeepney, mahimong P14 gikan sa P13 ang minimum nga plete, samtang P17 sa modern jeepney.

Mosaka usab ang pamasahe sa mga bus, provincial bus ug UV Express depende sa gilay-on ug klase sa sakyanan.

Gimandoan sa DOTr ang mga operator nga ipaskil ang bag-ong fare matrix ug ipadayon ang discount alang sa mga estudyante, senior citizen ug persons with disabilities.