Lauman ang bag-ong pagsaka sa presyo sa diesel ug gasolina karong semanaha tungod sa pagtaas sa presyo sa lana sa kalibutanong merkado, nga giingong resulta sa nagkagrabeng tensiyon sa Middle East.
Base sa inisyal nga banabana sa mga tinubdan sa oil industry, mahimong mosaka og hangtod ₱1 matag litro ang presyo sa diesel, samtang posibleng mosaka og ₱2 matag litro ang gasolina.
Kahinumdoman nga sa miaging semana, nakasinati og dakong rollback sa presyo sa mga produktong petrolyo human mapirmahan ang ceasefire agreement tali sa Estados Unidos ug Iran, nga nakahatag og temporaryong kahupayan sa mga motorista.
Apan, mibalik ang kabalaka sa suplay sa lana human sa bag-ong pag-atake sa Estados Unidos batok sa Iran isip tubag sa giingong Iranian drone strike sa usa ka cargo ship sa Strait of Hormuz, nga maoy hinungdan sa pagsaka pag-usab sa presyo sa lana sa kalibutanong merkado.