Usa ka talagsaon nga dessert ang nag-viral karon sa Japan human magbaligya ang usa ka roadside diner sa Iwate Prefecture og soft-serve ice cream nga gisagolan og preskong talaba diin adunay sagol nga espesyal soy sauce.
Bisan og katingad-an paminawon ang kombinasyon sa tam-is nga ice cream ug seafood, daghang nakatilaw ang miingon nga bisan og lahi apan lami ang maong pagkaon.
Tungod sa kuryosidad, daghan ang midagsa sa maong kan-anan aron sulayan ang maong dessert.
Human usab mikatag sa social media ang mga hulagway ug video niini, adunay uban nga nagtuo nga AI lamang kini ug dili tinuod nga pagkaon.
Bisan pa man niini daghan ang naglaom nga ipadayon sa maong establisemento ang pagbaligya sa oyster ice cream hangtod sa tibuok summer season.