Gikumpirma ni Assistant Ombudsman Mico Clavano nga opisyal nang nadawat sa Office of the Ombudsman ang partial committee report gikan sa opisina ni kanhing Senate Blue Ribbon Committee Chairperson Panfilo “Ping” Lacson.
Ang maong report naglangkob sa resulta sa imbestigasyon kalabot sa giingong maanomalyang flood control projects sa nasud.
Matud ni Clavano, ang mga impormasyon nga anaa sa report ipadala dayon sa mga case team nga nagdumala sa nagkalain-laing flood control cases aron susihon ug aksyunan.
Lakip sa gihisgutan sa report ang mga ngalan nila Senador Francis Escudero, Joel Villanueva, ug Jinggoy Estrada.
Lakip usab sa mga gihisgutan sila kanhing Senador Bong Revilla, Martin Romualdez, ug kanhing House Appropriations Committee Chair Elizaldy Co.
Girekomenda sa komite nga isailalom sila sa preliminary investigation, fact-finding investigation, o case buildup tungod sa posibleng paglapas sa balaod sama sa direct bribery, anti-graft and corrupt practices, ug plunder.