Lalaki sa Estados Unidos, nakatala og world record human sa pinakadghang koleksyon sa Bearbricks toys

Nakatala og bag-ong Guinness World Record ang usa ka lalaki gikan sa Illinois, USA human maihap ang iyang koleksyon sa Bearbricks toys nga miabot sa 3,482 ka piraso.

Si Daniel Park, nga nailhan usab sa social media nga BrickChicago, opisyal nga nakatalog sa iyang koleksyon niadtong Marso ug gikumpirma sa Guinness World Records isip pinakadakong koleksyon sa Bearbrick bears sa tibuok kalibotan.

Nagsugod siya sa pagkolekta human makadawat og usa ka blind box lima ka tuig na ang milabay, nga maoy nakapukaw sa iyang interes sa mga collectible toys.

Sumala ni Park, ang “brilliance” sa standard design sa Bearbricks maoy padayon nga naghatag kaniya og inspirasyon sa pagpadayon sa iyang koleksyon.