Gibungkag ni Canadian eating champion Mike Jack, nga nailhan usab isip “King of Spice,” ang iyang kaugalingong rekord human siya nakakaon og 25 ka Carolina Reaper chili peppers sulod lamang sa 3 minutos ug 3.53 segundos niadtong Agosto 30, 2026.
Ang Carolina Reaper usa sa pinakahalang nga sili sa kalibotan, nga adunay kasagarang kainit nga moabot sa 1.6 milyon ka Scoville Heat Units (SHU).
Dako kaayo kini og kalainan kumpara sa jalapeño. Nakabaton na si Jack og 20 ka Guinness World Records titles.
Lakip niini ang rekord sa pinakapaspas nga pagkaon og 50 ka Carolina Reaper, nga iyang nahuman sulod sa 6 minutos ug 49.20 segundos niadtong 2022.
Niadtong 2023, nakakaon usab siya og 100 ka Carolina Reaper sulod sa 36 minutos ug 38.81 segundos.
Matod ni Jack, nagsugod ang iyang pagkahilig sa halang nga pagkaon sa panahon sa iyang kolehiyo pinaagi sa kanunay nga paggamit og hot sauce.
Sa ulahi, nagsugod siya sa pag-post og mga eating challenge sa YouTube ug misulay sa pagbuak og mga rekord sa Guinness World Records.
Gipaambit usab niya nga gusto niyang sulayan ang Pepper X, nga giila isip pinakahalang nga sili sa kalibotan.
Nagtinguha usab siya nga makab-ot pa ang ubang mga rekord gamit kini nga sili.