Hugot nga nagpasidaan ang opisyal sa Peace and Order and Public Safety Committee sa Malaybalay City kabahin proseso sa pagdumala sa mga mananap sama sa iro nga madakpan atol sa mga operasyon sa siyudad.
Kini human napasagdan ug nagresulta ug mga kakulian sa mga kadalanan sama sa nagkaylap nga mga hugaw ug pipila ka kaso sa insidente pagpamaak niini.
Matud sa Liga ng mga Barangay President ug Public Peace and Order Committee Chairman nga si Julius Manghano, hatagan og tulo hangtod lima ka adlaw ang mga tag-iya aron ma-claim o mabawi ang ilang mga iro human kini madakpan.
Apan kung walay mo-claim sulod sa gitakdang panahon, mahimo nang mosunod ang laing proseso sa pagdumala niini, nga maoy usa sa mga kontrobersyal nga punto sa operasyon.
Gipasabot usab sa opisyal nga adunay proseso nga kinahanglang sundon sa tag-iya kung gusto niyang mabawi ang iyang iro.
Gipadayong gipatuman sa mga otoridad ang kampanya uban sa koordinasyon sa mga barangay aron masiguro ang hustong pagdumala sa mga iro nga madakpan sa operasyon.