Gilaumang mamahimong sugdan na ang opesrasyon sa Bukidnon Airport sa ikaduhang quarter sa 2027, samtang nagpadayon ang konstruksyon sa nagkalain-laing pasilidad niini.
Sumala sa site project engineer sa Bukidnon Airport Development Project, nga si Engr. Chito Halasan, anaa na sa 100 porsyento ang Phase 1 ug Phase 2 sa proyekto, samtang hapit na usab makompleto ang Phase 3.
Samtang, nagpadayon pa ang trabaho sa ubang importanteng pasilidad sa airport, lakip ang control tower, rescue ug firefighting facility ug terminal building.
Gipunting sa project team nga target gihapon ang operasyon sa airport sa ikaduhang quarter sa sunod tuig, o tali sa Abril ug Hunyo 2027.
Padayon usab ang koordinasyon sa mga lokal nga opisyal ug mga contractor aron makompleto ang nahibiling mga pasilidad ug uban pang kinahanglanon alang sa operasyon sa airport.