Pagasugdan na karong semanaha ang “audit phase” sa impeachment trial.
Human napamatud-an sa nakalabay nga semana ang paggawas ug pag-withdraw sa P612.5 milyones nga confidential funds sa Office of the Vice President (OVP) ug Department of Education (DepEd), ang sunod nga pokus mao na kon giunsa kini paggasto ug kon sakto ba ang pag-liquidate niini.
Sumala ni Tingog Party-list Rep. Jude Acidre, mopaatubang sa impeachment court ang mga testigo gikan sa Commission on Audit (COA) aron ipasabot kon giunsa pag-audit ang pondo ug kon nituman ba kini sa mga lagda.
Mutestigo sila Roderick Wamil kanhing COA State Auditor, Celine May Del Campo Supervising Auditor sa Intelligence and Confidential Funds Audit Office ug ai Marivic Pareja Director sa House Legislative Information Resources Management Department.
Sumala kang House Prosecutor Representative Joel Chua, ilang susihon kung nasunod ba ang mga lagda ug joint circular sa pagpagawas, pagdumala ug paggamit sa pondo.