HomeUncategorizedMarcos Jr. Natingala sa mga Protesta Batok Pax Silica ug Giklaro ang...

Marcos Jr. Natingala sa mga Protesta Batok Pax Silica ug Giklaro ang Tinuod nga Katuyoan!

- Advertisement -

Natingala si Presidente Ferdinand “Bongbong” Marcos Jr. sa nagkadaiyang protesta batok sa inisyatiba sa Estados Unidos nga gitawag og Pax Silica.

Gipahayag sa Presidente nga wala pa’y bisan unsang kasabutan nga napinalisar o napirmahan kalabot niining maong inisyatiba.

Busa, dili niya masabtan kung nganong adunay mga protesta nga gihimo batok sa usa ka proyekto nga wala pa man gani pormal nga napagkasabutan.

- Advertisement -

“Wala pa tayong pinag-usapan. Wala pa tayong pinirmahan,” matud pa ni Marcos, nga naghatag og katin-awan.

Atol sa usa ka press conference niadtong Biyernes human sa 33rd APEC Economic Leaders Meeting sa Shenzen, China, gipamugos ni Marcos nga dili usab plano sa maong inisyatiba ang pagtukod og mga data center sa nasud.

“There will be no data centers in the place that we are going to put this development on AI. It’s AI-centered,” dugang pa sa Presidente.

- Advertisement -

Gipasabot niya nga ang tumong lamang sa proyekto mao ang pagpalapad sa technological products ug ang pagpakigbahin sa Pilipinas sa ekonomiya sa nagtubo nga artificial intelligence (AI).

Kini usab ang higayon sa nasud nga makasalmot sa paghulma sa global nga industriya sa artificial intelligence imbes nga mahimong konsumidor lamang sa mga produkto niini.

“If we do not invest in it in time, in effort, in money, then wala na. Wala na tayong pag-asa. Because that is the economy. The global economy in the next few years,” pasidaan ni Marcos.

Giawhag usab sa Presidente ang nasud nga sabton ug dawaton ang maong mga proyekto ug inisyatiba tungod sa ilang mahinungdanong kontribusyon sa ekonomiya sa Pilipinas, sa Timog-Silangang Asya, ug sa tibuok kalibutan.

Sa miaging mga semana, liboan ka mga tawo ang nagpahigayon og protesta sa nagkalain-laing bahin sa kalibutan aron supakon ang Pax Silica initiative sa US.

Ang mga nagprotesta nagpahayag og kabalaka sa hulga niini sa kalikasan ug sa natural nga kahinguhaan.

Mas milig-on ang mga panawagan alang sa protesta sa kasagsagan sa 49th ASEAN Summit ug sa pagtambong ni US President Donald Trump sa nasud.

- Advertisement -
RELATED ARTICLES
- Advertisment -

MORE NEWS