Liboan ka mga hotdog nangatagak sa highway human sa kalit nga aksidente

Nagkatag ang liboan ka mga hotdog sa usa ka parte sa national highway sa Pennsylvania, USA human sa usa ka aksidente.

Base sa imbestigasyon, adunay deperensya sa makina ang trak nga maoy hinungdan sa pagsayad niini sa konkretong divider.

Tungod niini, naablihan ang trailer ug nangatagak ang kargang mga hotdog sa karsada.

Gipahayag sa ubang motorista nga kini ang “pinakagrabeng biyahe sa Biyernes” nga ilang nasinati sulod sa pipila ka tuig.

Gilayon nga naningkamot ang crew sa trak sa pagpanghipos sa mga nagkatag nga hotdog aron malikayan ang dugang disgrasya.

Gamit ang usa ka front-end loader diin gigamit aron limpyohon ang mga hotdog ug gipa-load kini sa usa ka dump truck.