Gipahibalo sa International Criminal Court nga itakda na ang unang status conference sa kaso batok kang kanhi Pangulong Rodrigo Duterte karong Mayo 27, isip kabahin sa padayon nga pag-uswag sa paglitis.
Sumala sa korte, gimando sa prosekusyon ug depensa nga mosumite sa ilang mga dokumento ug ebidensya sa dili pa ang deadline nga Mayo 15, lakip ang trial briefs ug uban pang importanteng detalye alang sa kaso.
Ang maong status conference maglatid sa timetable o iskedyul sa trial ug sa sunod nga mga lakang sa proseso.
Kahinumduman nga una nang gikumpirma sa ICC Pre-Trial Chamber I ang tulo ka bilang sa crimes against humanity batok kang Duterte, nga maoy hinungdan nga misulod na ang kaso sa trial phase.
Sa kasamtangan, mas pormal nang sugdan sa ICC ang pagdungog sa kaso samtang anaa sa kustodiya sa The Hague ang kanhi presidente.