Wala na gikatingala ni Senador Panfilo “Ping” Lacson ang hingpit nga pagbawi ni Orly Guteza sa iyang unang testimonya.
Gibalikan sa batikang senador ang mga naunang hearing sa Senate Blue Ribbon Committee diin siya nagsilbing chairman sulod sa pipila ka bulan.
Matod ni Lacson, klaro sa rekord ug sa live hearing nga si Guteza usa ka “coached witness” o saksi nga gitudloan unsay isulti.
Busa, dugay na usab niyang gilauman nga mahimong bawion ni Guteza ang iyang unang testimonya.
Samtang, gipadayag usab ni Senator Erwin Tulfo nga gitugyan na niini sa Office of the Ombudsman ang pagrepaso sa pag-recant ni kanhing Marine Orly Guteza sa iyang unang affidavit kabahin sa imbestigasyon sa flood control scandal.
Matud ni Tulfo nga dili siya supak sa imbestigasyon, apan mas gusto niya nga dili kutob sa imbestigasyon ang resulta ug kinahanglan adunay accountability o tinuod nga pagpanubag sa mga responsable.