Gikuwestiyon sa pipila ka senator-judge ang katakus ug kredibilidad sa mga saksi nga gipresentar sa defense team ni Vice President Sara Duterte atol sa impeachment trial kagahapon, Huwebes, Nobyembre 19.
Direktang gisaway ni Senator-Judge Erwin Tulfo ang kalidad sa mga saksi sa depensa ug giawhag ang kampo ni Duterte nga mopresentar og mga saksing adunay igong kahibalo ug makahatag og klarong tubag sa mga pangutana sa korte.
Gikuwestiyon usab nilang Senator-Judges Raffy Tulfo ug Risa Hontiveros kon giunsa pagsusi ni Atty. Rainer Dela Fuente ang forensic report sa prosekusyon bisan wala kini mahatagi og kopya sa wala pa ang husay, diin giangkon usab sa saksi nga wala niya mabasa sa kinatibuk-an ang report ug wala masusi ang mga financial records nga gigamit niini.
Sa laing bahin, gipatin-aw ni Senator-Judge Joel Villanueva nga limitado lamang sa pagpasabot sa mga probisyon sa anti-money laundering law ug banking practices ang papel sa saksi ug dili ang pagtino sa criminal liability, apan mibarog si Dela Fuente nga makatubag siya pinasikad sa mga probisyon sa balaod.

