Nipahigayon og piniliay ang mga lehislador sa Pakistan-administered Kashmir aron sa pagpili sa ilang bag-ong presidente ug pagpuno sa pwesto nga halos walo ka bulan nga nabakante, sumala sa taho gikan sa Bombo Radyo.
Nag-atbang diha sa maong piniliay ang kandidato sa ruling party nga Pakistan Muslim League-Nawaz (PML-N) nga si Najeeb Naqi Khan batok sa pambato sa Pakistan People’s Party (PPP) nga si Chaudhry Latif Akbar, diin nakuha sa administrasyon ang sobra sa gikinahanglang 27 ka boto. Nag-ugat ang dugay nga pagkabakante sa maong posisyon sa pagtaliwan sa kanhi presidente nga si Sultan Mehmood Chaudhry niadtong Enero.
Nahimong kontrobersyal ang maong nga proseso tungod sa nagpabiling bakante nga pito ka silya sa lehislatura human gioktaba ang botohan sa duha ka distrito tungod sa mga biolenteng protesta ug pagpamatay. Apan gipahayag ni Chief Election Commissioner Justice Ghulam Mustafa Mughal nga pormal ug legal ang maong piniliay aron matubag ang dugay nga kakulang sa opisyal nga liderato sa rehiyon.