Dako nga kalampusan alang sa kapulisan sa Bukidnon ang pagkumpiska sa kapin ₱3 milyon nga kantidad sa mga smuggled cigarettes sa lungsod sa Kalilangan lalawigan sa Bukidnon apan gituohan nga daghan pa ang iligal nga sigarilyo nga nagkatag ug ginabaligya pa sa merkado.
Sa eksklusibong pakighinabi sa Bombo Radyo kay PMAJ. Joann Navarro, tigpamaba sa Police Regional Office 10 kon PRO 10 nga adunay limitasyon ang kapulisan sa direktang pagdakop sa mga nalambigit sa pagpang-smuggle sa sigarilyo tungod kay ang Bureau of Customs (BOC) ang maoy diretang ahensya nga adunay otoridad niini.
Bisan pa man, andam ang kapulisan nga motabang ug makig-alayon sa BOC aron mas mapalig-on ang mga operasyon batok sa smuggled cigarettes.
Dugang pa ni Pmaj. Navarro nga sa tibuok rehiyon 10, padayon ang border control operations aron masiguro ang kalinaw ug kasiguroan sa mga entry ug exit points.
Dugang pa ni Navarro, dili babag sa kapulisan ang ilang mga limitasyon aron mapugngan ang pagpadayon sa dautang binuhatan, ilabi na ang pagpang-smuggle nga naghatag kadaut sa ekonomiya ug local industry