Gikumpirma sa prosecution nga motestigo si kanhing Senator Antonio Trillanes IV sa nagpadayong impeachment proceedings batok kang Vice President Sara Duterte, diin nakatala kini sa isyu sa unexplained wealth o dili mapasabot nga kabtangan.
Magsugod sa sunod nga semana ang pagpresentar sa mga ebidensya alang sa Article 2 sa impeachment complaint, nga nag-atubang sa alegasyon nga ang mga kabtangan ni VP Sara ug sa iyang bana nga si Atty. Mans Carpio diin dili tukma sa ilang opisyal ug legal nga kita.
Lakip sa mga pagatukion mao ang mga Statement of Assets, Liabilities, and Net Worth (SALN) sa Bise Presidente gikan sa tuig 2019 hangtod 2024.
Gipasabot ni House prosecutor ug Manila Representative Joel Chua nga importante ang testimonya ni Trillanes tungod sa mga dokumento nga iyang gipresentar kaniadto sa House Committee on Justice nga giingong na-cross-check sa mga rekord sa Anti-Money Laundering Council (AMLC), ug dugang pa niya nga andam ug wala na nahadlok ang tanang vital witnesses nga motestigo sa pikas bahin sa kaso.