Gikumpirma sa Department of Justice kon DOJ ang pagbasura sa Quezon City Prosecutor’s Office sa criminal complaint nga gisang-at ni Atty. Mans Carpio, bana ni Vice President Sara Duterte, batok sa pipila ka opisyal sa gobyerno.
Sumala ni DOJ spokesperson Atty. Polo Martinez, gibasura ang reklamo tungod sa jurisdictional grounds o kakulang sa hurisdiksyon sa Quezon City Prosecutor’s Office sa maong kaso.
Matud ni Clavano, ang reklamo nahisakop sa hurisdiksyon sa Office of the Ombudsman, busa didto matud pa kini angay nga i-proseso.
Kahinumduman nga gireklamo ni Carpio niadtong Abril sila House Justice Committee Chairperson Representative Gerville Luistro, House Senior Deputy Minority Leader Leila de Lima, pipila ka opisyal sa Bangko Sentral ng Pilipinas ug Anti-Money Laundering Council, lakip ang uban pa.
Ang reklamo may kalabotan sa giingong paglapas sa Anti-Money Laundering Act, Bank Secrecy Laws ug Data Privacy Act tungod sa pagkabutyag sa classified o confidential banking records.
Gilauman na usab ni House prosecutor ug Manila Representative Joel Chua ang pagbasura sa maong kaso.