Opisyal nang giila sa Guinness World Records si Jonathan, usa ka Seychelles giant tortoise nga nagpuyo sa isla sa St. Helena, isip pinakatigulang nga buhing mananap sa kalibutan ug usa ka tinuod nga icon human makaabot sa edad nga 194 ka tuig.
Gituohang natawo si Jonathan niadtong 1832 ug gidala ngadto sa St. Helena sa tuig 1882. Sa iyang pag-abot sa isla, gibanabana nga hamtong na kini ug mga 50 anyos ang panuigon.
Bisan pa nga limitado na ang iyang panan-aw ug pangpanimhot tungod sa katigulangon, aktibo gihapon kini sa adlaw-adlaw nga mga kalihukan sama sa pagkaon ug pagpahulay ilawom sa adlaw, sumala sa iyang mga tig-atiman.
Matud ni St. Helena Governor Nigel Phillips, si Jonathan dili lamang usa ka iladong atraksyon sa mga turista kondili simbolo usab sa kalig-on, taas nga kinabuhi ug pag-atiman sa kinaiyahan sa isla.