Islamic Revolutionary Guard, gitarget ang US Fifth Fleet sa Bahrain isip balos sa US strikes

Gikumpirma sa Islamic Revolutionary Guard Corps (IRGC) sa Iran karong Miyerkules nga ilang gitarget pinaagi sa usa ka drone attack ang US Fifth Fleet didto sa Bahrain.

Sumala sa report, gihimo sa IRGC Navy forces ang pagpangatake kaganihang kadlawon isip tubag ug balos sa gilusad nga mga strikes sa Amerika sa mga teritoryo sa Iran partikular na sa Jask, Sirik, ug Qeshm. Gibutyag sa grupo nga ang maong mga pag-atake sa US naguba sa ilang communications tower sa Sirik ug duha ka water reservoir sa Bamani district.