Iro, nakiglumba sa mga runners sa mini-marathon sa Indianapolis

Nakiglumba ang usa ka abtik nga iro sa mga partisipante sa mini-marathon sa Indianapolis, ug karon nangita ang kapolisan sa tag-iya niini.

Gipaambit sa Indianapolis Police Department sa social media ang body camera footage nga nagpakita sa mga pulis nga nagbantay sa 500 Festival Mini-Marathon sa dihang ilang namatikdan ang iro nga nidagan uban sa mga partisipante.

Gidala dayon ang maong buotan nga iro sa Indianapolis Animal Care Services, diin kini gibantayan hangtod motungha ang tag-iya niini.

Kung walay moangkon sa iro hangtod Mayo 13, ipasagop na kini sa laing pamilya.