Nagtabla ang Egypt ug Iran sa ilang panagsangka sa Group G alang sa nagpadayon nga FIFA World Cup sa Seattle Stadium.
Sayo nga nakaposte og labaw ang Pharaohs sa ikalima nga minuto sa dula pinaagi sa usa ka rebound shot gikan kang Mahmoud Saber.
Gilayon misulay og bawi ang Iran sa ika-10 nga minuto pinaagi sa penalty kick ni Mehdi Taremi, apan maayo kining nababagan sa Egyptian goalkeeper nga si Mostafa Shobeir.
Wala nagpadala sa pressure ang mga taga-Middle East.
Paglabay sa tulo ka minuto, milampos si Ramin Rezaeian sa pagpuntos og equalizer human gipahimuslan ang usa ka lisod nga anggulo nga wala na gayod maabot sa depensa sa Egypt.
Human sa maong pagtabla sa ika-13 nga minuto, nagpabiling hugot ang depensa sa duha ka kampo.
Bisan pa sa mga sunod-sunod nga pag-atake sa ikaduhang bahin, wala na gayod mausab ang iskor hangtod nga gitapos sa referee ang duwa.