Gitawag ni Vice President Sara Duterte nga “tuta ni Trillanes ug Marcos” ang International Criminal Court o ICC atol sa iyang pag-atubang sa mga supporter sa ilang pamilya nga nagtigom gawas sa ICC sa The Hague, Netherlands niadtong milabayng adlaw.
Ang panagtigom nahitabo samtang nagpadayon ang pagdungog sa ICC sa kaso sa crimes against humanity batok kang kanhi Presidente Rodrigo Roa Duterte.
Sa iyang pahayag, giingon sa Bise Presidente nga wala na untay hurisdiksyon ang ICC sa Pilipinas human mipahawa ang nasud sa Rome Statute niadtong 2019.
Bisan pa sa maong pahayag, nagpabilin ang desisyon sa ICC nga adunay hurisdiksyon sa pag-imbestigar sa mga alegasyon nga krimen nga nahitabo sa panahon nga miyembro pa ang Pilipinas sa Rome Statute.