House, gisugdan na ang pagtuki sa ₱7.2-trilyong 2027 national budget

Gisugdan na sa House of Representatives ang pagtuki sa proposed ₱7.2-trilyong national budget alang sa 2027.

Matud ni House Appropriations Committee Chairperson Mikaela Suansing, kinahanglan motubag ang budget sa panginahanglan ug prayoridad sa mga Pilipino, ilabi na taliwala sa hinay nga economic growth, inflation ug pagsaka sa utang sa nasud.

Pinakadako ang alokasyon alang sa edukasyon nga mokabat sa ₱1.3 trilyon, samtang kapin ₱300 bilyon ang alang sa panglawas ug kapin ₱200 bilyon alang sa social protection programs.

Gihatagan usab og dakong pondo ang agriculture ug agrarian development aron mapalig-on ang food security ug masuportahan ang mga mag-uuma.