Garin, nagpasidaan batok sa mga taktika nga makapalangan sa impeachment trial ni VP Sara

Nagpasidaan si House Deputy Speaker Janette Garin batok sa mga gipaabot nga taktika nga posibleng gamiton sa kampo ni Vice President Sara Duterte aron malangan ug malihis ang impeachment trial sa Senado.

Gipadayag ni Garin nga kini ang pangunang hinungdan sa pagbawi sa prosecution panel sa tulo ka artikulo niadtong Oktubre 13, aron dili na masayang ang panahon ug aron makapukos lamang sa nahibiling Article 2 nga nagtutok sa alegasyon sa dili maipatin-aw nga yaman o unexplained wealth.

Bisan pa sa pagsupak sa depensa sa maong pagbawi tungod sa matud pa pagkawala sa ilang higayon nga makatubag, giaprubahan na kini sa Senate impeachment court. Gikatakda namang magsugod ang depensa sa pagpresentar sa ilang mga ebidensya karong Nobyembre 9.