Patay ang usa ka estudyante human kini malambigit sa disgrasya sa kadalanan sa Santa Cruz, Quezon, ning lalawigan pasado alas 8 sa buntag.
Giila ang biktima nga si Richardo Waninal Alferez, 17 anyos, estudyante sa Quezon Bukidnon Comprehensive High School, ug residente sa Purok 6, Puntian, Quezon, ning lalawigan.
Sa eksklusibong pakighinabi sa Bombo Radyo Malaybalay kang PMSg. Erb Diaz, Traffic Investigator sa Quezon Municipal Police Station, nalambigit ang usa ka trak ug 3 ka motorskilo sa maong insidente.
Gikaingong nagbyahe ang traktor head padulong sa Davao City, apang pag-abot sa national highway sa Quezon, paliko sa patuo nga direksyon natangtang ang skeletal container liner sa maong trak ug nalagpot sa laing linya sa dalan nga giagian sa 3 ka motorsiklo hinungdan sa kamatayon sa ni Alferez nga nagmaneho sa usa ka motorskilo.Â
Samtang aduna usab 3 ka lalaki nga naangol sakay sa lain pang motorsiklo.