Nagkasabot ang Estados Unidos ug Iran alang sa usa ka kasabutan sa kalinaw nga maghatag og dinalian ug permanente nga pagtapos sa ilang mga operasyong militar sa tanang dapit, lakip na didto sa Lebanon.
Kini nga kalamboan unang gipahibalo sa nasud sa Pakistan nga maoy nagsilbing tigpataliwala o mediator, diin gikatakda ang opisyal nga pagpirmahay sa maong kasabutan karong Hunyo 19 didto sa Switzerland. Nagpaila usab kini sa pagtapos sa kapin tulo ka bulan nga madugong giyera sa Middle East nga nagdala og krisis sa ekonomiya sa kalibutan.
Gikumpirma usab ni US President Donald Trump ang maong balita ug gipahibalo ang pag-abli pag-usab sa estratehikong Strait of Hormuz ingon man ang pagbawi sa naval blockade sa Amerika aron tugotan na nga makalatas pag-usab ang mga barko sa lana. Sa pikas bahin, gipahayag sa Iran nga dako kini nga lakang ug magpahigayon pa sila og dugang mga panag-istorya sa mosunod nga duha ka bulan alang sa usa ka hingpit nga kasabutan sa kalinaw.