Gidawat na sa pamunuan sa Ateneo de Manila University ang pagluwat o resignasyon ni Thomas Anthony “Tab” Baldwin isip head coach sa men’s basketball team niini, epektibo gilayon.
Kini nga desisyon gipahibalo ni Ateneo President Fr. Roberto “Bobby” Yap kasunod sa nahitabong trahedya diin nalunod ug nakalas ang duha ka magdudula sa maong koponan nga silang Rene Baterbonia ug Divine Adili atol sa usa ka team-building activity didto sa Dipaculao, Aurora.
Gawas kang Baldwin, niluwat usab sa iyang katungdanan si team manager Epok Quimpo. Gitataw ni Fr. Yap nga gikinahanglan ang maong kausaban sa liderato samtang nagpadayon ang lawom nga imbestigasyon ug pagrepaso sa safety protocols sa unibersidad aron maseguro nga dili na masubli ang maong dautang insidente.
Si Baldwin nagsilbing coach sa Ateneo sukad niadtong 2016, diin gihatdan niya ang Blue Eagles og upat ka UAAP championships ug unom ka finals appearances.