Gipanghimakak sa sikat nga English singer nga si Ed Sheeran ang mga nanggawas nga taho nga siya ang nagpatangtang sa Amerikanong rapper nga si Macklemore gikan sa iyang concert tour sa Estados Unidos.
Sa gipagawas nga opisyal nga pamahayag ni Sheeran nga gipatugbaw sa Bombo Radyo, gipatin-aw niini nga ang maong desisyon naggikan sa mga promoter ug tag-iya sa mga venue. Matud niya, nagbahad ang pipila ka tag-iya sa estadyum nga mikanselar sa mga gigahin nga konsiyerto kon magpabilin sa lineup si Macklemore.
Kini kasunod sa gihimong pahayag ni Macklemore diha sa entablado nga “Free Palestine” sa naglabay nga konsiyerto sa New Jersey, nga gihangop man sa iyang mga tagdayeg apan giatubang usab og pagsaway sa pipila ka organisasyon ug mga tag-iya sa pasilidad.