Gisugdan na sa Department of Justice (DOJ) niadtong Pebrero 2, 2026, ang preliminary investigation sa kasong plunder batok nilang Senator Jinggoy Estrada, kanhi Senator Bong Revilla ug kanhi DPWH Secretary Manuel Bonoan.
Ang reklamo, nga gipasaka sa National Bureau of Investigation (NBI), naglambigit usab sa uban pang mga opisyal. Nitambong sa hearing si Bonoan ug ang state witness nga si Henry Alcantara, samtang ang mga abogado ra nila ni Estrada ug Revilla ang nikuha sa kopya sa reklamo.
Matud ni DOJ Spokesperson Atty. Paolo Martinez, dili timaan sa huyang nga kaso ang pagpangayo sa NBI og dugang panahon sa pagsumite og mga ebidensya.
Gipasabot ni Martinez dako ang dokumento nga kinahanglang i-proseso sa prosekusyon.
Nisaad usab si Bonoan nga dili kini mugawas sa nasud ug iyang atubangon ang maong mga kaso.
Gikatakda ang sunod nga hearing para sa pagsumite sa mga counter-affidavit sa mga respondents.