Subay sa tinguha nga mapalambo ang teknolohiya ug trabaho sa nasud, pormal nga gilusad ni Presidente Ferdinand Marcos Jr. ang TESDA Skills Passport kagahapong adlawa.
Kini nga digital platform nagtumong nga i-sentralisar ang tanang sertipikasyon sa mga skilled workers aron mas sayon ang pag-apply og trabaho lokal man o sa gawas sa nasud.
Matud pa sa Presidente, kini ang yawe aron dili na maglisod ang mga Pinoy sa pagpakita sa ilang abilidad ngadto sa mga employers.Gawas sa TESDA, nitambong usab ang Presidente sa Telco Summit diin iyang gihatagan og gibug-aton ang kamahinungdanon sa paspas nga internet alang sa digital economy.
Dugang pa sa Presidente, ang gobyerno mugahin og igong pundo alang sa National Fiber Backbone Project aron masiguro nga bisan ang mga hilit nga dapit makatagamtam og de-kalidad nga koneksyon.