Gipadayag ni kanhi Anakalusugan Partylist Representative Mike Defensor ang iyang kakurat human gipahibalo ni Pangulong Ferdinand Marcos Jr. ang pagpatawag og special session sa Kongreso nga gikatakda sa Hunyo 17, 2026.
Ang tumong sa special session mao ang dali nga paghisgot ug posibleng pag-apruba sa pipila ka priority bills sa administrasyon, lakip na ang mga balaod nga may kalabotan sa social protection ug pagpaayo sa kahimtang sa mga Pilipino.
Sa Facebook post ni Defensor, diin nga nakurat siya sa maong lakang sa Malacañang ug mipahayag nga mahimo ra unta kining hisgutan sa regular session sa Kongreso.
Matod ni Defensor, wala matud pay krisis sama sa pandemya, gira, o grabe nga economic emergency nga magkinahanglan og special session.
Dugang pa niini, gipangutana niya kung unsa ang tinuod nga tuyo sa likod sa special session.
Sigon pa ni Defensor nga posibleng konektado kini sa isyu sa liderato sa Senate Blue Ribbon Committee ug sa posibleng pagpahunong sa imbestigasyon sa giingong iregularidad sa mga flood control projects.