Nagpadayag ang 41-anyos nga soccer superstar ug kapitan sa Portugal nga si Cristiano Ronaldo nga ang 2026-27 season posibleng mao na ang katapusang tuig sa iyang impresibong karera sa propesyonal nga sipa-bola.
Sa usa ka pakighinabi sa Vogue magazine, gipahayag sa Al-Nassr forward nga “kini posibleng katapusang tuig na nako sa football, ug gusto nako nga magbilin og usa ka talagsaong legasiya.” Gipatin-aw usab ni Ronaldo nga nakaplano na ang iyang linya sa kinabuhi pagkahuman sa iyang pagretiro, lakip ang paggahin og dugang nga oras sa iyang pamilya, pagbiyahe, ug pagduwa og padel.
Ang maong pamahayag gihimo human sa iyang bag-ong kasal sa iyang kaparis nga si Georgina Rodriguez didto sa Portugal. Taliwala sa iyang retirement hint, nagpabilin ang tinguha ni Ronaldo nga makab-ot ang dakong milestone nga 1,000 ka career goals, diin 24 na lang ka goal ang iyang kinahanglan aron makab-ot kini sa dili pa siya opisyal nga mogawas sa natad sa dula.