TOKYO, JAPAN — Naglutaw sa kalipay ug kahuwas sa dughan ang P-pop phenomenon nga BINI human sa ilang malampusong pagtanghal sa prestihiyosong Summer Sonic Music Festival didto sa Tokyo, Japan.
Sa usa ka pakighinabi sa ABS-CBN News, gipadayag sa miyembro nga si Aiah nga nakasulay sila og kabalaka sa wala pa ang palabas tungod sa jet lag ug pwerteng hugota nga eskedyul. Apan taliwala sa maong mga hagit—diin nagpuyat pa si Maloi aron magtuon sa iyang mga linya ug kantang Hapon—mainitong gidawat sa mga taghangod nga Hapon ug Pilipino ang ilang pag-perform sa entablado.
Human sa maong paglingaw sa mga fans sa Japan, gibutyag sa grupo nga mas determinado ug nakatutok sila karon sa pagpadayon sa ilang mga pagpangandam alang sa ilang nagpadayong World Tour.