Chief sa Ukraine army, gitangtang sa pwesto ni Pres. Zelensky

Hingpit nang gitangtang sa katungdanan ni Ukrainian President Volodymyr Zelensky si Army Commander-in-Chief Oleksandr Syrskyi.

Ang pagtangtang kang Syrskyi nahitabo pipila ka adlaw human migawas ang mga taho nga posible usab tangtangon ang Defense Minister nga si Mykhailo Fedorov.

Sa miaging mga bulan, adunay mga report nga naglungtad og panagbangi tali ni Syrskyi ug Fedorov sulod sa liderato sa depensa sa Ukraine.

Si Fedorov, 35 anyos, nailhan sa pagpatuman og mga reporma sa Ministry of Defense, pagpalig-on sa armadong kusog, ug kampanya batok sa korapsyon. Samtang, si Syrskyi, 60 anyos, giila sa iyang estriktong pagpatuman sa mga reporma sa militar.