Opisyal nang nakasulod sa main draw sa US Open 2026 ang Filipina tennis star nga si Alex Eala. Nalakip ang ngalan ni Eala sa opisyal nga entry list sa torneo nga ipahigayon gikan Agosto 30 hangtod Setyembre 13, nga maoy iyang ikaduhang pagsalmot sa main draw sa US Open ug ikaupat ug katapusang Grand Slam main draw karong season.
Sa kasamtanagan si Eala nga karon anaa sa No. 29 sa Women’s Tennis Association (WTA) rankings, naglaom nga mapadayon ang iyang maayong kampanya sa Grand Slam human sa impresibong performance sa Wimbledon. Kahinumduman nga sa Wimbledon, nakaabot kini sa Round of 16 human mapildi ang defending champion nga si Iga Swiatek.
Nakuha usab ni Eala ang unang kadaugan sa Grand Slam main draw sa miaging tuig sa US Open pinaagi sa pagpildi kang Clara Tauson sa unang hugna sa dili pa napildi ni Cristina Bucsa sa sunod nga round. Human sa iyang pagpahulay sa Pilipinas, mobalik na si Eala sa kompetisyon pinaagi sa Mubadala DC Open sa Washington, diin mosalmot siya sa singles ug doubles events.
Sa doubles, makigdungan siya og duwa uban sa tennis legend nga si Venus Williams.